Diaranson Joaquin Chapo Guzman, ex capo di narcotrafico na México, a haya su prome victoria na Merca, caminda cu un hues a autorisa pa yega personalmente na su prome audiencia di su caso, y no hacie door di un video – conferencia manera fiscal tabata solicita.
Guzman lo asisti personalmente pa su audiencia awe 3 di februari”, den un documento, hues federal Brian Cogan, cu ta encarga di expediente na corte di Brooklyn, a sigura. Cogan a tende un solicitud di banda di fiscalnan y siman cu a pasa a bisa cu si nan no haya ningun contesta negativo, anto Joaquin Guzman lo scucha pa video conferencia, cu obhetivo di reduci problema tocante su mobilisacion fisico”. Chapo Guzman ta homber famoso pasobra a huy dos biaha for di prizon, ubica na Mexico y asina mes el a wordo extradita pa Merca, siman cu a pasa.
Abogado di ex hefe di cartel di Sinaloa a solicita cu su cliente mester ta presente na corte, dia 3 di februari y asina tambe na tur audiencia den futuro. E autorisacion di hues Cogan cu ta permiti cu hefe di cartel di Sinaloa, por ta presente den corte, ta referi unicamente na audiencia di 3 di februari y no a laga cla punto tocante pa otro audiencia den futuro. Dialuna cu a pasa hues Cogan hunto cu nan abogado Michael Schneider y Michelle Gelernt a skirbi cu “ausencia di Guzman na corte ta trece cu ne un impresion di cu Guzman ta un homber hopi peligroso pa trece den tribunal.”
Segun un carta di cinco pagina cu abogado a skirbi, “desde cu Guzman a yega na New York El Chapo ta den un cel na Centro Coreccional di Manhattan, na 3 kilometer di corte aki”. E no tin derecho pa haci ningun yamada of purba di comunica cu su famia of cu abogado na Mexico. E ta cera den un cel 23 ora y e tin permiso pa sali ora cu mester reuni cu su abogado y pa un ora di ehercicio, so. Joaquin Guzman , di 59 aña ta acusa di dirigi un di mas grandi imperio di droga den continente Mericano durante 25 aña. El a ser extradita pa Merca dia 19 di januari y despues el a declara su mes culpabel, dia 20 di januari, di 17 acusacion cu a pone husticia di Merca.
E prome acusacion cu husticia di Merca a pone riba Guzman ta “direccion di cartel di Sinaloa”, y e acusacion ey por laga cu Guzman sinta bida largo den prizon.
