Siman di Siñamento Digital ta e evento anual di UNESCO riba siñamento digital y e transformacion di enseñansa e cual lo tuma luga e siman aki for di 2 te cu 5 di september na UNESCO di Paris.

Lansa na 2023, construyendo riba e Siman di Siñamento Mobil di UNESCO durante e ultimo decada, e evento anual ta reuni e comunidad di lidernan di educacion digital, trahadonan di politica, investigadonan y practicantenan di varios organisacion, incluyendo instancianan di Nacionnan Uni, gobiernonan, NGO y e sector priva pa guia tecnologia pa enseñansa.

E siman aki, ta presenta un oportunidad unico pa participa den discusionnan dinamico y cu ta pone pensa, riba dialogo y intercambio di ideanan innovativo pa fomenta co-creacion significante y esfuersonan colaboracion pa avansa den transformacion digital di enseñansa y “re-imagina nos futuro hunto.”

E sociedad humano ta enfrenta e reto dobel di transicion digital y ecologico. Aunke tecnologia ta priminti progreso, e ta introduci preguntanan etico tambe, specialmente cu inteligencia artificial y ta acelera e impacto di digitalisacion riba cambio di clima. E aumento rapido di AI generativo ta surpasando adaptacionnan articulatorio, e modelo di extraccion di e economia digital y e-waste ta mina desaroyo sostenibel.

Sistemanan di educacion mester fomenta mentalidadnan enfoca riba hende y competencianan digital pa alinea e transicion aki, garantisando cu tecnologia ta sostene metanan sostenibel y etico.

Siman di Siñamento Digital di UNESCO 2024 tin como meta pa explora e lasonan entre e dos transicion aki pa promove e uso responsabel di tecnologia digital den enseñansa.

Kico educacion por haci pa trece e dos transicion aki hunto y haci nan mas confiabel y reforsa otro? Fuera di adopta pasivamente tecnologianan digital pa sostene metanan di educacion, ta sistemanan di educacion cu mester asumi e responsabilidadnan pa fomenta enfoca riba hende y competencianan digital pa yuda garantisa cu transicion digital tambe ta transicion sostenibel.

Politica di educacion, investigacion y practica tambe mester dirigi proactivamente e diseño y uso di inteligencia artificial confiabel pa combati mal informacion riba cambio di clima y pa educa e publico riba e resultadonan di siñamento enfoca riba cambio di clima manera ta enfatisa den e trabou di e Greening Education Partnership.

Dirigi e acercamento riba hende pa e diseño y uso di tecnologia digital pa enseñansa ta netamente e vision cu ta bin dilanti den e Siman di Siñamento Digital cu UNESCO a lansa na 2023 bou di e lema di “Dirigi Tecnologia pa Enseñansa.”

Cuadro di Competencia di AI di UNESCO pa Studiantenan di Scol: E Cuadro di competencianan di IA aki ta diseña pa guia e preparacion di studiantenan di scol pa ta usuarionan responsabel di IA y co-creadornan capaz pa lidera den e definicion y diseño di e siguiente generacionnan di inteligencia artificial enfoca riba hende y ‘climate-friendly’.

Cuadro di Competencia di NESCO AI pa Maestronan: E Cuadro di competencianan di IA asocia aki tin como meta pa guia y sostene maestronan pa bira diseñadornan y usuarionan di IA responsabel pa hende den enseñansa y facilita siñamento, pa sostene studiantenan den e adkisicion di competencia di inteligencia artificial como parti di educacion di ciudadanonan digital.

Un rol exploratorio riba educacion na e crusada di e transicion digital y sostenibel, unda e rol aki ta explora e interconexion diverso entre transicion digital y sostenibel den enseñansa, for di e uso di siñamento digital pa promove conscientisacion y accion ambiental bou di docentenan, te na un miho comprondemento di e impacto adverso di digitalisacion di enseñansa riba e ambiente y strategianan pa mitiga esaki.

E participantenan den esaki ta ministernan y esnan cu ta crea politica di gobiernonan; hefenan y representantenan di instancianan di Nacionnan Uni of organisacionnan internacional y otro partnernan di desaroyo, companianan priva y organisacionnan di sociedad civil; hubentud gruponan; investigadonan y profesionalnan di educacion.

Actualmente, ta calcula cu di 7 biyon hende cu ta habita e planeta aki, 6 biyon tin acceso na un telefon inteligente, tablet y laptop. Aparatonan electronico asina ta aumenta oportunidadnan y acceso na e sector educativo, specialmente den areanan cu recursonan educativo tradicional limita.

E sector educacional ta un di e areanan cu ta beneficia mas tanto di siñamento mobil, adaptando na e era nobo di informacion pa medio di imagen, video y otro recursonan den klasnan y espacio educativo.

Mobile Learning (M-Learning) of siñamento mobil ta un tipo di siñamento a traves di uso di aparatonan mobil (smartphone, tablet, PC, entre otro) cu efectividad wireless, caracterisa pa flexibilidad y accesibilidad na informacion.

UNESCO a prepara e documento “Liñanan di guia pa politica di siñamento mobil”, cu e meta pa adapta e espacio educativo na siñamento mobil.