Ayera ciudadanonan di islanan Caribense tambe por vota pa e referendum di consulta di e ley, Wet op de inlichtingen- en veiligheidsdiensten (Wiv) 2017. E prome resultadonan ta mustra cu mayoria a voto pro.
Manera por lesa riba pagina 8 di e edicion aki, riba islanan di Boneiro y Saba no tabatin mucho interes sea informacion riba esaki. Mientras e ta extende e poder di e servicionan di informacion y secresia manera AIVD pa asina por haya acceso na trafico riba internet y data di hasta tercer partidonan ‘inocente’ ora di conduci investigacionnan na actonan ilegal.
Representacion di gobiern0 Hulandes di e islanan Aruba, Corsou y St. Maarten a duna e prome resultadonan di esunnan cu a registra adelanta. Nan por a vota (briefstem) ayera.
91 persona a vota na e oficina di representacion Hulandes (VNO) na Oranjestad: 53 a vota pro, 38 a vota contra y tabatin 0 voto blanco.
VNO na Corsou a conta 154 voto valido di cual 100 pro e ley, 52 contra y 2 voto blanco. VNO na Philipsburg St. Maarten, a conta 25 voto total di cual 13 pro y 12 contra, cu 0 voto blanco.
E resultadonan definitivo nan lo anuncia na Hulanda.
