Despues di mas cu un siglo cu cientificonan ta discuti cu otro riba e tema di ‘buraconan preto’, cual te cu prome cu awe niun hende a yega di wak, a logra saca e prome potret di esaki despues cu un ekipo internacional a haya e tarea pa haci esaki.
Loke por mira riba e potret ta e asina yama ‘buraco preto super masivo’. E potret a ser presenta na 6 diferente luga na mundo na e mesun momento. E ta mustra un espacio bashi, rondona door di rayonan cu ta dobla pa motibo di e zwaartekracht extremo cu tin na e luga. Segun cientificonan, e distancia for di unda a saca esaki ta keda na un distancia di 55 miyon aña di luz (lichtjaar) leu di nos planeta y ta pisa un 6,5 miljard biaha mas hopi cu e solo.
Aunke esaki ta apenas e comienso di loke a ser ‘descubri’, cientificonan rond mundo ta emociona cu e echo y lo sigui hinca mas esfuerso den haya sa tur informacion di e ‘buraconan preto’ aki.
