(NLTimes) – Dos hende muhe a casa cu otro riba diasabra na Corsou pa prome biaha. Dia 12 di juli, Corte Supremo a declara cu parehanan di mesun sexo na Aruba y Corsou por casa cu efecto inmediato.
Desde e decision aki, por lo menos 8 otro pareha a compromete na Corsou. Na Aruba, e lo tuma mas tempo pa motibo cu e oficina di registro no tin espacio pa pareha nobo casa te cu october.
Dia 6 di december, 2022, Gemeenschappelijk Hof van Justitie van Aruba, Curaçao, Sint Maarten en van Bonaire, Sint Eustatius en Saba ya caba a declara cu parehanan di mesun sexo mester por casa na Aruba y corsou. E gobierno di ambos isla a entrega apelacion na cassacion contra esaki. Sinembargo, e Corte Supremo a mantene e decision aki dos siman atras.
Corte Supremo su veredicto a ser ricibi di manera diferente den ambos pais. Na Aruba, mita ta na fabor y e otro mita ta contra esaki segun Egmar Irausquin, secretario di Fundacion Orguyo Aruba, cual a campaña pa e legalisacion di matrimonio di mesun sexo. Segun Irausquin, un parlamentario ta trahando riba proposicion di un referendum pa cambia esaki.
Varios Arubano cu antecedente religioso no ta di acuerdo cu e introduccion di matrimonio di mesun sexo, Irausquin a splica. Tambe tin un grupo cu ta rabia pa motibo cu nan ta kere cu e hues a pasa riba parlamento. “Sinembargo e reaccionnan negativo ta disminuyendo. Porta nan lo cuminsa aumenta atrobe ora cu hende cuminsa casa den october.”
Janice Tjon Sien Kie for di Human Rights Caribbean Foundation, cual ta campaña pa matrimonio di mesun sexo na Corsou, a reporta cu e decision tabatin un recepcion mixto na Corsou. Aki tambe, ta mas tanto personanan y partidonan politico cu antecedente religioso cu a papia contra e decision di Corte Supremo.
Un compania cu ta marca y print riba diferente material, a ser pidi pa print riba glasnan di champagne pa e boda a nenga pa motibo cu e ta un boda cu dos persona di mesun sexo. Sinembargo, otro partido a ser funda segun Tjon Sien Kie. El a revela cu e proceso di aceptacion ta bayendo “paso pa paso” y cu e enfoke di su fundacion ta pa educa hende tocante e comunidad aki, por ehempel, cu un dia dedica na personanan cu ta transgenero.
