Prome Minister y minister di Finanzas Hulandes ta duda sobrevivencia di Cabinet

(NLTimes)—Prome Minister Mark Rutte a bisa cu e ta spera cu e partidonan di coalicion lo haya un solucion pa e cantidad di problemanan dificil cu cual nan no ta na acuerdo ainda, “pero bo nunca sa sigur.” E lider di D66 y Vice-Prome Minister Sigrid Kaag tambe a expresa cu nan no sa si e gobierno di coalicion di VVD, D66, CDA y ChristenUnie por sobrevivi e crisisnan cu nan ta enfrenta.

“Mi no sa si nan lo sali for di dje, pero esey ta e compromiso,” el a declara riba Goedemorgen Nederland dialuna mainta.

Kaag ta di acuerdo cu e declaracionnan di Rutte, ken tambe ta e lider di VVD. El a bisa durante e programa WNL diadomingo cu algun “topiconan frustrante” ta biniendo pa dilanti, manera e asunto di emision di nitrogeno y e crisis di asilo. “Mi ta kere cu ta posibel, pero bo nunca sa sigur,” segun e prome minister.

Segun Rutte, e partidonan di coalicion “semper a prepara pa tuma responsabilidad bou di circunstancianan dificil” den e ultimo añanan. Despues di un formacion di Gabinete largo y dificil, e 4 partidonan a conclui nan segunda acuerdo di coalicion na comienso di 2022. Aunke e topiconan ta inclui acuerdonan riba nitrogeno y migracion, esaki ta keda causa frustracion entre e miembronan.

Miembro di partido CDA Derk Boswijk, ken ta representa su partido riba varios asunto incluyendo politica di nitrogeno, tambe a bisa cu e tin miedo cu e coalicion no lo sobrevivi y cu e Cabinet lo cay. E mes a pensa pa renuncia “varios biaha.” El a bisa e no ta renuncia, pasobra e ora campesinonan no ta wordo yuda ora nan enfrenta problemanan grandi pa via di politica di nitrogeno.

Segun Kaag, ta importante pa Cabinet keda fuerte y resuelto, bisando cu “tambe nos mester tuma nos resilencia back.” El a bisa cu Cabinet mester keda na acuerdonan pa loke ta trata asilo y nitrogeno como parti di e trato di coalicion. “Pero semper mi a bisa, ‘Nos ta haci’e bon, of nos no ta haci’e mes’.”

Rutte ta kere cu frustracion por bin den mesun manera cu ora su prome Cabinet a cay na 2012. Lider di PVV Geert Wilders, di ken su partido a apoya un coalicion di VVD y CDA, a nenga di coopera den paketenan di recorte pa pone e situacion financiero di gobierno back na ordo. “Mi no a spera esey mes,” segun Rutte.

Ta parce cu e partidonan di coalicion lo enfrenta un retraso grandi diaranson durante e eleccion di Conseho Provincial. E eleccion ta determina e composicion di gobiernonan provincial, y pues tambe ta importante pa e Senado. E miembresia di e gobiernonan provincial ta vota pa determina e composicion di e Senado.

E coalicion tin un minoria eyden caba, cual ta spera pa bira mas chikito ainda. En particular, CDA ta spera pa sufri un perdida grandi.

E pregunta ta awo cu cual partido Cabinet mester traha cune pa por pasa legislacion den e Senado, cual por inclui concesion pa un combinacion Iskierdista di PvdA y Groenlinks of pa partido conservatista manera BBB y JA21.