(NLTimes) – Prome minister Dick Schoof a bisa cu ta bay ta un tarea dificil pa hustifica un crisis di asilo. Tin rekisitonan specifico pa declara un crisis asina, manera un force majeure of un guera of desaster natural, pues segun Schoof, “e motivacion ta esencial.” A pesar di esaki, e tin confiansa cu Gabinete ta bay por bay Raad van State cu un argumento bon funda, cu despues ta bay husga si e ley di crisis di e Gabinete ta corecto of incorecto.
E prome minister a bisa cu e Gabinete mester discuti precisamente con e hustificacion ta bay mustra. Schoof a bisa, “mi ta kere cu e propuesta por soporta critica.”
Expertonan tin duda fuerte si e situacion na Hulanda ta hustifica un ley di crisis. Esaki ya tabata solicita na 2022, tempo cu Secretario di Estado pa Asilo e tempo ey, Eric van der Burg a contesta cu esaki ta posible solamente den “situacionnan hopi excepcional.”
E Gabinete no ta bay declara un crisis di asilo te ora cu Raad van State a dicidi riba e plan. Schoof a reconoce cu esaki usualmente ta tuma “seis pa ocho siman,” y propuestanan complica por dura hopi mas largo. Pero en todo casi, si e ta bay pidi pa urgencia y ta spera cu por hacie mas lihe.
Gabinete ainda mester determina na ki momento Hulanda lo surpasa e crisis di asilo cu kier declara, Schoof a bisa. Por ehemplo, no a yega na acuerdo con hopi e escasez den recepcion di solicitante di asilo mester baha pa retira e medidanan di crisis. Por haci acuerdo riba esaki ainda proximo siman ora e Gabinete discuti e plannan den Tweede Kamer.
Pero Schoof a bisa cu e crisis a caba ora ta controlable. “Ora e fluho a baha, y pueblo Hulandes ta sinti cu nan por carg’e atrobe. Y ora acceso na mercado di vivienda, acceso na cuido di salud y educacion a keda normalisa atrobe.”
Durante e presentacion di e programa di gobierno di casi 140 pagina, el a admiti cu esaki por ta dificil pa midi. E ley di crisis di asilo, bao cual eventualmente lo acomoda e medidanan di crisis, por tin un duracion maximo di dos aña.
Gabinete ta bay defende e programa di gobierno y e presupuesto pa proximo aña riba diaranson y diahuebs den Tweede Kamer durante e Algemene Beschouwingen, cual ta un debate tradicional den Tweede Kamer despues di Prinsjesdag, cu ta considera e debate mas critico di e aña.
Schoof a bisa cu Hulanda ta bay pidi Union Europeo proximo siman pa retira di su politicanan di migracion por lo pronto. “E Gabinete ta bay manda un solicitud oficial pa Brussels pa e asina-yama opt-out.”
E Gabinete ya a anuncia cu ta bay solicita e excepcion lo mas pronto posible. Un opt-out pa Hulanda ta rekeri un amienda na e tratado Europeo, cual ta considera hopi dificil y costa hopi tempo. Cada un di e 27 estado miembro por obstrui esaki.
