Durante un conferencia di prensa di Gobierno di Aruba, prome minister presidente Evelyn Wever Croes a trece dilanti cu ekipo di Task Force ta suficiente pa haci e trabou debi.
Di esaki, el a informa cu awe e tabata e prome dia cu Task Force a sali riba caya pa motibo cu nan a constata cu medidanan no ta suficiente y mester pone mas tras di dje. Asina mes el a confirma cu awe e grupo aki tabatin 28 persona, pero e capacidad di e Task Force pa dia ta di 90 persona.
Wever-Croes a señala cu esaki tin un grupo di boluntario cu ta sinta paden y ta haci un yamada tur e dianan pa e personanan cu ta den cuarentena pa prevencion di transmision di coronavirus.
Ora cu un persona ta haya instruccion pa bay den cuarentena, e ta haya un carta cu un instruccion y na e momento ey e mester keda paden. E Task Force ta cuminsa haci yamada y e ta haya un beeld con e persona ta haya cu e reglanan, con e ta sinti cu esey y for di e momento ey, a base di yamada ta duna un indicacion pa Task Force pa nan bay riba caya y bishita e personanan aki.
Tocante e persona cu awe a haya un boet pa viola e normanan, el a manifesta cu ‘mi ta hopi decepciona, mi ta kere cu e hende den cuarentena lo tuma esaki na serio’.
