Prome minister di Aruba a mustra su solidaridad cu e victimanan di e atakenan na Brussels. Aki bou e relato completo cu gobierno a manda prensa:
Prome minister di Aruba a mustra su solidaridad cu e victimanan di e atakenan na Brussels. Aki bou e relato completo cu gobierno a manda prensa:
Aruba a habri diamars cu e noticia hopi lamentabel di e atake terorista na Belgica. Diferente na otro casonan similar rond mundo, nos pueblo a sinti esaki mas cerca pa diferente motibo, principalmente e cercania cu Hulanda y e comunidad Belga residente riba nos isla.
Prome Minister Mike Eman inmediatamente a tuma contacto cu representante di Aruba na Embahada Hulandes na Brussels, sr. Cedric Tilma pa verifica cu e y su sernan keri ta sano y salbo. Tilma ta staciona, ya pa varios aña, na e capital Belga y ta e liaison di Aruba den e Overseas Countries & Territories Association (OCTA).
Manera ta conoci, Aruba ta sede pa riba 30 pais durante e P3A Conference tumando luga e siman aki den Renaissance Convention Center. A toca honor na nos Prome Minister Mike Eman pa hiba palabra na e ceremonia di apertura y aki un biaha mas e momento dificil di Belgica a bin dilanti.
E atentado terorista na Belgica ta demostra un biaha mas e importancia pa nacionnan di mundo ta uni y lucha contra menasa riba paz, stabilidad social y economico na mundo. Premier Eman a gradici Nacionnan Uni pa su esfuersonan importante den esaki y a menciona cu ‘Aunke hopi biaha islanan chikito no ta involucra, nos ta para banda di tur otro pais cu ta busca pa crea un miho mañan.’
Riba Premier Eman su peticion a sigui un minuut di silencio cu tur esnan den e sala a sa di honra. Su tras Sub Secretario General di Nacionnan Uni, Gyan Acharya y tur otro orador y panelista a sa di sigui e ehempel di Minister President Eman y tambe a expresa nan palabra di convivencia pa cu e mas reciente atake terorista.
.jpg "Philipine van Aanholt 26 luga prome dia Laser Radial Weganan Olimpico")
