(DutchNews)—Hulanda ta prepara di cumpra tankinan cu e ta huur di Alemania y manda nan pa Ucrania, pero tambe ta para habri pa otro ideanan, Prome Minister Mark Rutte a bisa RTL Nieuws diaranson.
“E discusionnan ey ainda ta andando,” Rutte a bisa. “Nos por haci uso di e tankinan den otro manera tambe, y e discusionnan tocante e asunto aki ta tumando luga actualmente…nos ta prepara di tuma un decision.”
Rutte tabata den discusion despues cu a wordo publica cu Alemania a dicidi di manda 14 tanki Leopard 2 pa Ucrania. Canciyer Olaf Scholz a anuncia e decision aki, y pa otro paisnan manda nan decision tambe, na un reunion di Kabinet diaranson.
“Loke ta mas importante ta cu Alemania a tuma e decision aki,” Rutte a bisa. “E ta un cantidad basta halto.”
President di Merca, Joe Biden, tambe ta spera di anuncia su plan di manda 30 tanki MI Abrams pa Ucrania den futuro cercano.
Minister di Defensa Hulandes Kasja Ollongren a declara siman pasa cu Hulanda ta dispuesto pa paga pa tankinan Leopard pa manda Ucrania, hunto cu aliadonan Europeo y di NATO.
Den pasado, Hulanda a paga pa manda tankinan for di Republica Checo pa Ucrania, y e enfoke por ta similar pa e tankinan Aleman, esaki el a conta agencia noticiero Bloomberg den un entrevista for di Davos, Suisa.
