(NLTimes)—Den su prome discurso pa e Asamblea General di e Organisacion di Nacionnan Uni, prome minister Dick Schoof a haci yamado pa un alto-al-fuego temporal entre Israel y Hezbollah na Libanon. Merca y Francia a propone un alto-al-fuego di 21 dia, pero Israel a rechasa e propuesta casi inmediatamente.
“Durante e ultimo par dia, tabatin un cantidad grandi di casualidad civil na Libanon. Y hopi otro den e region por enfrenta e mesun destino si e violencia continua. No por permiti pa esey pasa. Mester preveni un guera regional cuesta loke cuesta,” e prome minister Hulandes a bisa. El a urgi Israel y Libanon pa apoya e propuesta di alto-al-fuego. “Duna diplomacia un chens.”
Tambe el a papia tocante Israel y Gaza. El a bisa cu, den e termino largo, “no tin ningun ganado den e guera aki.” El a haci yamado pa “liderazgo politico y curashi” riba ambos banda pa “kibra e ciclo di violencia y yuda otro mira ‘e otro’ pa loke nan ta: hende den buskeda di un luga safe pa biba.”
Schoof tambe a urgi pa e reforma di e Conseho di Seguridad di ONU, bisando cu su forma actual no ta refleha e realidad di e 21 siglo. “Mester dividi e asientonan mas miho geograficamente. Pa preserva e legitimidad, forsa y vitalidad di ONU. Cu representacion Africano permanente al meno,” Schoof a bisa. “E Reino di Hulanda lo apoya completamente propuestanan pa haci reformanan asina posible.”
Piesa di F-35 fighter jet Hulandes probablemente no lo yega Israel
Ainda “no ta probable” cu piesanan pa F-35 fighter jets construi na Hulanda lo yega Israel, segun minister di Defensa Ruben Brekelmans. E corte a prohibi Hulanda di exporta piesanan di fighter jets pa Israel, yamando e realistico cu nan por ser usa pa crimennan di guera.
Parlamentario- y organisacionnan di derecho humano tabata preocupa cu Hulanda a sigui exporta pa Merca, conoci pa suministra arma pa Israel. Pero segun Brekelman, ningun F-35 nobo lo bay for di Merca pa Israel, manera ANP a reporta.
E gabinete a apela contra e huicio di e corte pa e Corte Supremo, puntrando pa clarificacion riba ken ta responsable pa politica exterior, e corte of e gabinete.
Potret di Joey Felipe pa ONU.
