E aña aki ta e temporada di eleccion. Tur partido politico a sali mas tempran debi cu gobierno a cay inesperadamente. Sinembargo no ta tur partido tabata cla pa cuminsa un campaña fuerte , pero tampo e circunstancianan ta duna pa tin un campaña tradicional manera nos tur conoce.
E impacto di COVID na Aruba tabata grandi , pero mas ainda e impacto cu algun persona no tabata compronde e necesidad di keda cas y no bay unda cu tin hopi hende. Tabatin un temporada cu cifranan a subi drasticamente y esaki a pone cu mester a tuma hopi mas medida pa pone tur cos bao di control. Awe por bisa pa e bon maneho di gobierno y crisi team tin a flexibilisa algun medida, pero e campaña tradicional no lo por ta posibel debi cu aglomeracion di hende no ta permitibel.
Hopi cambio tin debi di e pandemia un di nan ta e manera cu lo bay vota , loke cu a bin acerca ta e parti di scan, pero lo general a keda mes un cos. E sistema aki ainda lo mester splica e pueblo mas pa tur cos cana manera debe ser. Tur biaha cu tin cu bay vota mester hiba un ID valido , den e caso aki un paspoort, of un rijbewijs pero loke ta hopi importante pa tene cuenta cu ne cu e rijbewijs di antes lo no por vota cu ne, esaki ta debi cu na momento cu gobierno anterior a cambia e sistema di rijbewijs esaki no tin e balor manera ta stipula den ley y e reglanan, pesey mes cambionan a tuma luga unda cu awe e rijbewijs cu ta keda traha na Censo Aruba ta e unico rijbewijs legal y cu ta keda acepta na momento cu mester bay vota. Esaki ta pa siguridad di nos mes y nos tur.
