Den e caso di agresion cu a tuma luga 14 di november contra yiu di Prome Minister, e prome individuo a keda deteni.
Miembro di prensa a puntra Prome Minister si e tabatin un reaccion tocante e noticia cu a detene prome individuo relaciona cu e agresion den contra di su yiu anteriormente, na cual Prome Minister a contesta aunke segun su persona e e no ta su “custumber.”
Prome Minister a cuminsa splicando cu dia 14 di november su yiu a bay sali comparti cu su pareha, famia y amistadnan pa celebra su cumpleaños na un restaurant. Na final di e anochi, dos individuo a forsa nan mes drenta e restaurant y a bay te patras unda cu su yiu y e grupo tabata sinta. E prome individuo a agrede su yiu, y e di dos a sigui, despues a cuminsa un “drama” den e restaurant ora cu e prome individuo a cuminsa kibra boter den e restaurant y tira esaki.
E prome individuo a keda deteni den fin di siman, y actualmente e caso ta den man di autoridad. Prome minister a expresa “ban laga esaki den man di autoridad, y laga nan haci nan trabao.”
E miembro di prensa a sigui na puntra si no tin presion eherci riba algun organo riba recherche cu ta investigando e caso, na cual Prome Minister a contesta “ami no ta eherce ningun presion riba ningun departamento, sigur no den e parti hudicial pa motibo cu esaki no ta resorta bao di mi ministerio.”
