Prome minister, Evelyn Wever-Croes: ‘Mi a insisti pa nos delibera riba con por stop recorte di salario’

Siman pasa, prome minister Evelyn Wever-Croes tabatin un ‘bon reunion’ cu Secretario di Estado pa Relacionnan di Reino y Digitalisacion, Alexandra van Huffelen.

“Mi a insisti pa nos delibera riba con por stop e recorte di salario”, Wever-Croes a comenta den un relato riba su pagina di Facebook. “Nos a firma e Uitvoeringsagenda pa e kwartaal 2 di 2022. Diabierna Conseho di Minister di Reino a aproba pa refinancia e debe di 915 miyon florin cu nos a presta di Hulanda durante pandemia. Pa 18 luna nos no mester paga y lo no cobra interes. Unico punto cu ainda no ta regla, ta sosten di likides pa e kwartaal 2 di 2022. Nos ta sigui traha riba esey. Nos ta riba e bon caminda!”