ORANJESTAD – Ayera y awe, prome minister Evelyn Wever-Croes ta na Washington, Merca, pa un Mision Conhunto cu embahador di Reino na Washington, sr. Schuwer a organisa. Prome Minister di Corsou, Eugene Rhuggenaath, hunto cu su delegacion, y Wever-Croes hunto cu su delegacionm lo compaña e Embahador di Reino na algun reunion durante e dos dianan aki.
Riba agenda tin varios reunion cu tin como punto central tanto e refineria como tambe e impacto cu e crisis migratorio di Venezuela tin riba Aruba.
E prome reunionnan a cuminsa tempran mainta, y tabata intensivo riba e diferente areanan menciona. Prome Minister lo ta bek na Aruba diaranson, cu e speransa di trece bon noticia bek pa nos pais.
Ya caba Wever-Croes a tene un reunion cu Bonnie Glick, Deputy Administrator na US AID, USA International Development Agency, riba e situacion humanitario na Venezuela. Wever-Croes a splica e impacto den nos pais y lo explora con nan por yuda nos alivia e situacion
Tambe a tene un bon reunion cu sr. Elliott Abrams, Special Representative Venezuela na State Department riba e impacto di e situacion na Venezuela riba nos pais y e ultimo desaroyonan, y con State Department por yuda nos alivia e sancionnan di OFAC.
.
