“Loke cu nos a haya ta un joya di edificio,” esaki ta loke cu directora di Prinses Amalia Basisschool, sra. Roelien Hofman a bisa despues di un recorido cu el a duna na Prome Minister Mike Eman, Minister di Ense- ñansa Michelle Hooyboer Winklaar y Minister di Infrastructura Benny Sevinger di e acomodacion educacional nobo. Prome Minister Eman a expresa di ta sinti un satisfaccion grandi di mira e lista grandi di scolnan cu a haya atencion bou di Gabinete Mike Eman I y II.
Un di e scolnan cu a haya atencion ta Prinses Amalia Basisschool, cu awor ta situa den e edificio bieu di APA (net pariba di ELMAR na Playa). Mirando su estado, Minister di Ense- ñansa y Gabinete Mike Eman II a dicidi cu un edificio nobo y moderno ta necesario. Awo ta asina leu cu e construccion ta den fase final y e scol ta keda inaugura na inicio di e aña escolar nobo. “Awe ta un dia di gran satisfaccion, nos ta mira cu alegria cu 8 aña pasa nos a pone como prioridad pa renoba nos pais den tur sector pa conecta e prosperidad y crece .
Edificio di Prinses Amalia Basisschool kedando cla Prome Minister Eman: Un edificio nobo ta motiva studiante y maestronan mento economico di pais Aruba na bienestar general y un miho calidad di bida pa nos hendenan,”Prome Minister Eman a splica na inicio di su discurso na sede nobo di Prinses Amalia Basisschool cu ta situa net pariba di EPI na Seroe Blanco. Renobacion a yega tambe den Enseñansa. E mandatario a trece dilanti cu den un inventario cu a wordo haci a keda constata cu durante e periodo di Minister Dowers di 2009 pa 2013 casi 40 scol a pasa den renobacionnan hopi grandi, mediano y di mantencion. Minister Hooyboer di 2013 pa 2017 a hiba e maneho un tiki mas leu cu renobacion completo cu scolnan nobo, di cual Prinses Amalia Basisschool ta un di nan.
Den e dos periodonan, e mandatario a splica, casi 80 scol na tur nivel a haya atencion di Gobierno. Ademas di e grupo aki, tin un 40 scol mas cu mester bay haya renobacion of mantencion cu tin atencion di Gobierno caba. A cuminsa evalua caba pa den un proximo Gobernacion con ta bay financia e tipo di e trabounan aki. Tin diferente comision cu ta studiando con Aruba den futuro por financia e renobacion di scolnan basa riba e concepto nobo, esta Public Private Partnership (PPP). Tambe el a menciona cu mester bay evalua si ta bay den direccion den construi scolnan nobo na Aruba enbes di renoba, mirando cu e gastonan di e dos conceptonan aki ta yega hopi cerca di otro. Di e forma aki ta haya acomodacionnan completo tambe. Principalmente si mira cu scolnan cu a wordo construi 40 pa 50 aña pasa mayoria no tin gymzaal of sala di computer, ni tampoco wi-fi. “Den un edificio moderno manera esun di Prinses Amalia Basisschool e muchanan, maestronan y mayornan ta motiva,”e mandatario a bisa.
