(CuraçaoChronicle) – Prome minister di Corsou, Gilmar Pisas ta pidi pa tur hende mantene calma tocante e negociacionnan rond di e refineria. El a skirbi esaki riba su rednan social.
Riba diahuebs a keda anuncia cu e preferred bidder, Caribbean Petroleum Refinery (CPR) lo a falsifica decenas di documento financiero pa e adkisicion. E prome minister a indica cu tin hopi andando tras di escena y ta pidi pa tur hende keda trankil.
“Si nos cay den panico cada bes cu ta bisa algo sin un respuesta oficial, esaki ta bay haci mas daño, tambe den e negociacionnan actual.”
E prome minister awo ta adverti: “Ban keda trankil pasobra e meta ta pa habri back e refineria, esey ta e prioridad pa nos tur, no lubida esey.”
CPR a bisa cu tin e capital rekeri pa e adkisicion, pero varios specialista forensico a expresa duda riba esaki. Pronto, e team di specialista ta bay reuni pa discuti e asunto.
