(CuraçaoChronicle) – Prome Minister Gilmar Pisas a nenga, pa awo, e peticion di partidonan den oposicion cual ta consisti di PAR?MAN?TPK pa presenta na Parlamento pa trata e caso di Ennia. Pisas a informa esaki den un carta dirigi na President di Parlamento, Charetti America.
E Gobierno actualmente ta den dialogo cu Banco Central y Gobierno Hulandes pa yega na un solucion. Den su carta na president di Parlamento, Pisas a declara cu nan no ta considera apropia pa trata e compania di seguro den un reunion publico na e momentonan aki.
Pisas a menciona tambe cu actualmente tin deadline cu mester cumpli cune cu Banco Central y Gobierno Hulandes y cu a yega un acuerdo di silencio den media cu mester cumpli cune.
Ennia ta enfrentando problemanan sumamente grandi y significante a causa di mal maneho y actualmente no por paga pension di mas o menos 30,000 individuo. E caso aki contra Ansary ta den man di corte y recientemente e Ministerio Publico (OM) a informa den un comunicado di prensa cu un investigacion criminal ta andando den e caso aki, sinembargo no por duna mas informacion tocante esaki.
