Pa aclaria cualkier duda den comunidad, Prome Minister Evelyn Wever-Croes a duna un splicacion breve riba e tereno cu a ser otorga na St. Regis pa por construi un hotel na Aruba.
Prome Minister a splica cu na 2016, tempo cu Sra. Marisol Lopez-Tromp tabata minister di infrastructura, el a cera un compromiso cu St. Regis, cu a indica di ta interesa pa construi un hotel na Aruba, consistiendo di 308 camber.
Wever-Croes a splica den un comunicado di prensa cu na 2017, ex-minister di infrastructura, Sr. Otmar Oduber, mirando cu no por a elimina e acuerdo aki, a tuma e decision pa sinta na mesa cu St. Regis pa purba re-negocia e acuerdo aki, pa reduci e cantidad di camber otorga. Despues di hopi negociacion, a logra yega na un acuerdo pa baha e cantidad di camber na 200. Construccion pa cu e hotel aki a inicia na 2019 y lo dura un par di aña prome cu e hotel por habri su portanan oficialmente.
Segun Wever-Croes, el a tuma e stap pa aclaria esaki pasobra e ta considera cu ta importante pa pueblo sa di unda cierto decisionnan a bin.
