Durante su bishita na Hulanda, Prome Minister Evelyn Wever-Croes tabatin un reunion cu e parlamentarionan di Tweede Kamer. Prome Minister a indica cu e parlamentarionan aki ta parti di e comision di Reino, y ta parlamentarionan nobo cu recientemente a huramenta.
Esaki ta e prome biaha cu Prome Minister ta reuni cu nan pa asina duna un “update” di tur e desaroyo di pais Aruba.
Pa duna e parlamentarionan aki un miho bista di e situacion di pais Aruba, Prome Minister a presenta un “snapshot” riba e desaroyo economico, turismo, empleo, y finanzas di pais Aruba. Durante e reunion, tambe a toca e tema di landspakket, reforma, negociacionnan cu Hulanda y tur otro tema importante cu nan como parlamentario lo mester sa di Aruba, prome cu nan por cuminsa haci nan trabao.
Prome Minister a indica cu e reunion a bay hopi bon, y cu nan a keda hopi contento cu loke a wordo presenta na nan. Tambe nan a expresa cu nan lo desea pa tene mas encuentronan asina, na unda nan por haya tur informacion necesario y valioso pa por ehecuta nan trabao eficientemente
