E tan famoso Mercado Santa Rosa cu tabata e prome pa e aña aki. For di mainta trempan bishitantenan tabata yega di tur skina pa asina por disfruta di tur locual nos mercado tabata tin pa ofrece. Por a aprecia bishitantenan cu tabata drenta e Sali cu man nan yen di producto fresco cumpra den nos mercado.
Otronan cu a disfruta di cumpra mata pa haci na hogar mas bunita. Berduranan fresco manera Bonchi Largo, Yambo fresco cu a bin cu su pica caba paketa cu tabata bay manera pan cayente. Den un lapso di tempo tur esaki na a wordo bendi.
Esnan cu cunucu “Aruba Dushi Tera” di famia Kock tabata cu tabata tin carni Cabrito y Carne fresco tambe a wordo bende hopi lihe. Sin papia mes di picanan fresco y Berehein cu tabata tin filanan largo pa por a cumpra. Tur cushina a presenta na menu bon prepara pa nos bishitantenan por a disfruta.
Por a mira Sopi di Yambo, Bonchi Cora, Sopi Carni cu no por falta. Cumindanan manera Concomber Stoba, Cabes cu higra, Cabrito Stoba y tambe Papaya Stoba tabata platonan cu bo por a haya den nos mercado. Bebidanan natural manera Te di Torohil, y otro sabornan di Te natural cu semper bon gusta pa nos bishitantenan.
Manera semper nos ta bisa, yega trempan pa bo bebe awa limpi pasobra hopi ta e tipo di productonan aki cu ta caba masha lihe y ta den nos Mercado Santa Rosa so bo ta haya esakinan pa cumpra. Asina nos por sigui menciona con exitoso tabata nos prome mercado.
Nos ta gradici tur esnan cu a tuma nan tempo pa por a bin haci nos un bishita na nos prome Mercado Santa Rosa pa e aña aki. Un danki tambe na tur nos productornan cu nan productonan fresco pa por a ofrece esaki na nos clientela di semper cu ta bin disfruta y probecha pa cumpra un of otro producto local. Nos ta spera di sigui conta cu tur nos productonan local y nos bishitantenan pa nos siguiente mercadonan cu tan a caminda. Asina cu nos tin e fecha stipula nos lo informa tur esnan envolvi.
