Dialuna ultimo a tuma luga e Supermoon y Luna yen aki na Aruba. E Supermoon su salida tabata pa 7:08 di anochi cu nubia y despues pa 7:15 di anochi e Supermoon su salida tabata mas visibel ora e luna a sali for di e nubianan completo.
Ariba e foto exclusivo tuma pa astronomo y astrofotografo y presidente di Aruba Astro Research Int. Marcos Bislip por mira e salida di e Supermoon den e nubianan di color geel y ora el a sali completo, e luna su color tabata color shinishi y blanco cla esey ta e colornan original di e luna.
Por a tuma nota cu e grandura di e luna tabata mas grandi cu normal ora cu el a sali y despues cu el a bay mas ariba e tabata un poco mas chikito, pero den tur dos foto por a mira e kraternan perfecto paso e Luna ta cerca di nos planeta tera den Perigee. E aña aki nos tin 4 Supermoon cu lo wordo mira aki na Aruba y den nos region dialuna ultimo tabata e prome Fullmoon y Supermoon y dia 9 di maart 2020 tabata e di dos Fullmoon y Supermoon.
E siguiente dos Fullmoon y Supermoon ta dia 8 di april 2020 y dia 7 di mei 2020.
E di dos salida di Supermoon aki na Aruba tabata un tiki mas miho cu toch por a mira e Supermoon un poco den e nubianan.
Nos ta spera cu e ultimo dos Supermoon nan cu falta e nubianan lo coopera pa asina nos por haya e salida di e dos ultimo Supermoon mas miho.
