Departamento di Obra Publico ta participa cu a cuminsa cu e prome fase di e proyecto pa construi un riool den e caminda den e caya di Second Avenue na Sero Colorado.
Den un publicacion riba rednan social, e Departamento a indica cu e riool ta bay cuminsa dilanti cas Second Avenue # 274 pa cas cu Second Avenue # 243. Lo cera e caminda menciona parcialmente pa trafico, lo laga caminda habri pa e habitante por yega nan cas, na unda cu esaki ta posibel. Lo cera un banda di caminda na unda e trabaonan ta tumando lugar.
E trabaonan relaciona cu e riool den e caya menciona, lo tin den total un duracion di 30 dia di trabao.
DOW ta pidi comprension y cooperacion pa e trabaonan cu mester tuma lugar y ta pidi disculpa pa cualkier inconveniencia cu por surgi.
