Un homber (29) bou inicial R.A.R. a keda deteni na Hulanda den cuadro di e caso di e curpa haya den bahul di auto kima na Franse Pas riba 31 december 2015. Esaki polis ta informa den un relato. E motibo di e crimen aki no ta conoci. Despues di un par di siman husticia cu ayudo di e instituto forensico na Hulanda por a determina e identidad. E ta di e homber Alex Rojas Paz (37), naci na Colombia cu a keda perdi desde 30 di december. “E detencion aki ta un paso firme den direccion di por yega na conclusion di e caso. No por descarta cu lo tin mas detencion den e caso, tanto aki na Aruba mes como na otro paisnan. E siguiente dianan, e interogacionnan y e investigacion andando lo mester determina esey”, segun Lito Lacle, vocero di Cuerpo Policial Aruba
