Tin keho riba Departamento di Progreso Laboral (DPL) su tardansa pa bin cla cu nan conseho laboral exigi pa DIMAS pa atende cu tantisimo solicitud permiso stagna den e departamento aki. E problema aki ta contribui cu e circulo di ilegalidad ta birando mas grandi, a pesar di e bon boluntad di e dunado di trabao y tambe di e trahadonan.
Minister di Labor, Glenbert Croes a a declara na Bon Dia Aruba cu nan ta premira cu prome cu fin di aña, DPL lo bay tin tur consehonan pendiente ya caba procesa. “Pa prome cu fin di aña nos ta cumpli cu loke ta pendiente pa saca nan y e proceso por continua na DIMAS,” el a declara.
