(NLTimes) – Ta spera cu Rotterdam, Eindhoven, Den Haag y Haarlem lo ta e prome ciudadnan Hulandes mayor pa prohibi inversionistanan di cumpra casnan di huur den futuro cercano, FD a reporta. E cuatro ciudad por prohibi inversionistanan di cumpra cas den cierto bario pa comienso di proximo aña.
E ciudadnan por diseña barionan den cual inversionistanan no por cumpra propiedadnan di huur barata of medium cu intencion di huur esaki na otronan mas. Cu medidanan asina, ciudadnan kier interveni den mercado di vivienda den proximo cinco aña. E prohibicion lo mester contraresta e actual escasez y prijsnan halto den mercado di vivienda.
Segun e corant, tin hopi entusiasmo entre administradornan municipal pa tuma un stap asina. E shete municipalidadnan mas grandi kier introduci un prohibicion asina si Senado aproba e iniciativa e aña aki. Mas municipalidadnan, incluyendo Leeuwarden, Groningen y Zaanstad tambe ta interesa.
Inversionistanan y Banco Central Hulandes tabata critico di e propuesta. Segun DNB, no ta sigur si e prijs den huur den sector liber lo reduci diripiente como resultado di esaki. Peter Boelhouwer, un profesor di mercado di vivienda na TU Delft, tambe a duda si un medida asina por resolve escasez di vivienda. “Bo no ta agregando ningun cas adicional cu esey”, el a bisa NOS Radio 1 News. “Pero pa esnan cu ta cumpra pa prome biaha, ta nifica cu nan ta haya menos oportunidad. Hopi biaha nan ta pisca tras di e red ora inversionistanan cuminsa cumpra”, el a bisa.
Segun Boelhouwer, e medida tin intencion primario di mantene calidad di bida. El a splica cu e confort di biba den varios luga actualmente ta daña pa motibo di sobre-compra. “Algun persona cu ta cumpra cas ta huur esaki na studiante of trahadornan stranhero. E casnan aki ta bira ‘disfrasa’ y mas hende ta termina den esakinan cu loke ta normal”, el a splica.
E viabilidad di e medida lo presenta algun problema. Boelhouwer ta conclui.
