(NLTimes)—Pa prome biaha desde cu Rusia a invadi Ucrania, un ciudadano Hulandes a logra yega riba e lista di sancion di Merca. Edwin Onno van Ingen (58), a ser agrega riba e lista estableci na 2021 pa Merca, cual ta pone pauze riba e posesion di cualkier hende cu ta provee sosten pa militar Ruso of e economia di e pais Europeo.

Tambe e sancion ta castiga esnan cu ta participa den varios acto di corupcion den nomber di Rusia, manera envolvimento den e eleccionnan di un aliado di Merca, crimen cyber, corupcion transnacional, strobando stabilidad politico of pa participacion den un asesinato di un Mericano of un aliado di Merca.

E Departamento di Tesorera Mericano a bisa den un comunicado cu van Ingen “ta un agente basa den Europa pa laboratorionan Ruso cu ta enfoca riba e diseño y desaroyo di armanan nuclear, tambe como investigacion den tecnologia di arma convencional avansa. E servicio di inteligencia di Rusia a encarga van Ingen varios biaha pa solicita oferta y obtene tecnologia manera ekipahe avansa di medida, cientifico y di fabrica. Despues van Ingen ta acerca fabricantenan y bendedonan, y den hopi caso, ta yuda sconde e usuario di berdad di e ekipahe cu ta bendi y ta yuda organisa e envio di e ekipahe pa Rusia.”

E update a ser descubri pa un publicacion Hulandes yama ‘Follow the Money.’ Van Ingen a conta e publicacion cu ta tabata sorprendi ora a inform’e di e sancion: “Loke bo ta conta mi ta algo nobo pa mi.” Un evaluacion di record manteni pa e Sancionnan Habri a mustra cu van Ingen ta e prome ciudadano Hulandes pa ta den lista di sancion. El a conta Follow the Money cu su tata a haci negoshi na Rusia pa hopi aña. Despues cu el a muri, el a tuma su trabou, pero a para cu suministracion pa Rusia despues cu e guera a cuminsa eynan.

Van Ingen tampoco ta purba di scapa restriccion por medio di manda ekipahe pa paisnan den bisindario, manera China of Turkia, el a bisa. E ta maneha varios empresa Hulanda, incluyendo un bendedo di material pa negoshi, y ta provee administracion di compania pa negoshinan chikito. Follow the Money a bisa cu tambe e ta doño di e agencia di mediacion Ronin Management B.V., pa cual a sancion’e. E compania tin un balans ekivalente na 10 miyon euro.

“Mi nunca a haci algo cu e Ministerio di Asunto Economico no sa di dje,” el a conta e publicacion. “Ningun hende di Merca of Den Haag a acerca mi tocante esaki,” el a agrega. “Mi ta ricibiendo atencion negativo awo, esaki ta kico Merca ta haciendo, pero mi no a haci nada malo.”

Su otro compania tambe a haya sancion, specificamente Pro Rata Solutions B.V. y Delta Technical and Scientific Instruments B.V. Manera van Ingen, esaki a haya sancion bou di Orden Ehecutivo 14024. E nombernan aki tabata entre esnan agrega na e lista, cual ta manteni streng pa e Oficina di Control di Posesion Stranhero, pa via di e envolvimento di van Ingen. Ni e of su companianan por haci negoshi cu un entidad Mericano, segun e Departamento di Tesorero a bisa.

“Mi a haya chens di pensa di e consecuencianan ainda,” van Ingen a expresa.