Un parha cu a bishita nan yui homber na St. Barth den hospital a test positivo pa e virus di COVID-19,
Ambos tabata na caminda pa Francia y a haci un stop over na Sint Maarten. Nan a wordo saca di e linea na aeropuerto despues cu a drenta informacion di Sint Barts cu nan yiu a test positivo pa e virus. Awo ta resulta cu nan tambe a contagia cu e virus. Nan situacion di salud no ta alarmante.
Autoridadnan di sanitario di e parti Frances di e isla ta wantando e pareha den isolacion riba sospecho di e infeccion cu e virus, nan a caba di yega di Paris.
Barco crucero Braemer
E crucero Britanico Braemer a yega e Haf di Sint Maarten ayera tardi. A nenga e crucero pa dock na Republica Dominicana despues cu e capitan a reporta cu cuater pasahero di Filipinas , dos civil Britanico y dos Mericano ta bou observacion medico pa e sintomanan manera kentura, tos, y dificultad di hala rosea.
E barco ta di e compania Britanico Fred Olsen Cruise Lines y tin 1.128 pasahero principalmente Britanico y 384 miembro di tripulacion abordo. Desde e momento ey e autoridadnan di Guadaloupe a realisa testnan cual no a detecta ningun caso di COVID-19 abordo di e crucero.
Braemar kier trece e pasaheronan di Republica Dominicano na e isla di Sint Maarten cu tres vuelo aereo. E pasaheronan nobo ta cla pa wordo hiba Sint Maarten pa cuminsa nan cruise eynan.
E salud di e poblacion na Sint Maarten ta sigui ta un prioridad pa e Ministerio di Salud y e gobierno di Sint Maarten, esaki ta segun un comunicado di prensa. Precaucionnan a wordo tuma pa asina grandesa e salud y e siguridad di e ciudadanonan y bishitantenan.
