Hulanda ta registra su prome caso di Coronavirus, ta trata di un homber di Tilburg cu recientemente a pasa tempo na Lombardy na Italia, esaki ta locual minister di salud Bruno Bruins a confirma.
E homber tin alrededor di 50 aña di edad y a wordo poni den cuarentena y autoridadnan di salud a cuminsa wak cu kende e tabatin contact cune , esaki ta locual autoridadnan a bisa.
“ E persona tabatin e sintomanan y el a wordo hospitalisa y examina” e instituto di salud publico RIVM a bisa. Tur e contactnan identifica ta wordo monitoria pa stop e enfermedad di plama rond , RIVM a bisa. Autoridadnan tambe ta tratando di averigua si e homber a celebra carnaval, cual ta popular den e den e pais sur. Durante oranan trempan diahuebs a raporta 3 caso mas di coronavirus na Alemania, hustamente otro banda di e frontera Hulandes na Sittard. Posiblemente nan a haya e virus di un persona cu a asisti e evento di carnaval cu tabata na Italia.
Prome Minister Mark Rutte a informa riba Twitter cu e tin contacto estrecho cu minister di saluda Bruins. ‘ Por su puesto e ta desea e homber infecta tur forsa y pa e mehora”. Mi gradicimento grandi na e profesionalnan cu ta trahando duro pa haci tur cos posible. Ta importante cu nos ta sigui nan conseho.
Coronavirus ta specialmente peligro pa ancianonan, specialmente hende homber y e personanan cu ta nan sistema inmunitario ta debil.
