Prome biaha cu tin tiki hende den unidad di cuido intensivo den hospitalnan Hulandes

(NLTimes)—Actualmente ta basta keto den e unidadnan di cuido intensivo di hospitalnan Hulandes. Mientras e unidadnan a yena completamente durante e crisis di Covid-19, awo tin mas empleado cu trabao pa nan haci, segun varios experto di cuido intensivo a conta De Volkskrant.

No tabatin ningun cifranan concreto pa 2023 ainda, “pero e trend ta cu cos nunca ta keto asina,” Hans van der Hoeven, profesor y hefe di e unidad di cuido intensivo na Radboud UMC na Nijmegen.

Segun Iwan van der Horst, ken ta hefe di e ICU na MUMC+ na Maastricht y presidente di e Asociacion Hulandes pa Cuido Intensivo (NVIC), e situacion ideal ta pa tin casi 85% di camanan den ICUnan ocupa. “E ora e no ta hopi druk, pero tampoco demasiado keto. Awo tin un ocupacion di 60% pa basta tempo caba.”

Un motibo grandi pa e ocupacion abao ta e pandemia. “Hopi hende a muri durante e periodo di coronavirus, y tambe den e prome winter despues di e virus. Esakinan tabata mas tanto pashentnan cu salud fragil. Sin Covid, kisas nan lo ta den ICU awo,” van der Horst a bisa.

Un otro factor ta cu e pandemia a duna dokternan y pashent un “imagen mas realistico” di kico ICU ta encera, van der Hoeven a agrega. Esaki a pone pashentnan pensa si en berdad nan kier bay den ICU si nan bira hopi malo y posiblemente pasa e ultimo etapa di nan bida eyden, y tambe esaki a haci dokternan y specialistanan mas dudoso pa referi pashentnan na cuido intensivo, el a bisa. Aproximadamente 15% di hende admiti den ICU ta muri ey den. “Na final di dia, nos a causa nan mas daño na un costo social halto,” van der Hoeven a bisa.

Pero e cantidad abao di pashent actual no ta un motibo pa recorta capacidad, segun Bart Berden, presidente di e Elisabeth-TweeSteden Hospital na Tilburg, a subraya. Segun e, seguronan di salud ta considerando pa recorta reembolso pa ICUnan den e aña binidero. “Mi lo argumenta pa algun espacio. Si reembolso ta mas abao, hospitalnan ta forsa pa reduci e cantidad di cama den ICU. Pero no ta claro si e cantidad di pashent lo aumenta atrobe den e proximo añanan. Y pa expande cuido intensivo atrobe ta hopi mas dificil.”

Van der Hoeven ta di acuerdo cu esaki. Mirando e poblacion anciano, e demanda pa cuido intensivo probablemente lo aumenta atrobe un bes cu e efectonan di post-Covid kita. Pero tambe el a agrega: “Nos ta den un crisis ambiental. Mester dedica mas atencion y placa den prevencion. E ora ta logico cu bo ta evalua ICUnan criticamente, un forma di cuido caro cu relativamente tiki beneficio pa salud social.”