Prorail, e empresa estatal cu ta administra e infrastructura di e rails Hulandes, tin plania pa prohibi humamento na tur stacionnan di train, asina e compania a anuncia diaranson ultimo.
A prohibi di huma den treinnan y tur parti di e zonanan designa pa huma for di 2004, pero esaki tambe lo ser elimina den futuro cercano, e compania a bisa den un comunicado. “ Desde cu a prohibi humamento den stacionnan, hopi a cambia, Prorail a bisa. ‘Ta prohibi pa huma den edificionan gubernamental, hotelnan, cafenan y tambe ta erradicando cerca di scolnan y facilidadnan di deporte. E investigacion ta mustra cu e apoyo na plataformanan liber di huma tambe a aumenta den e ultimo 10 aña.
Prorails ta den combersacion cu e operado di treinnan NS tocante con nan por implementa un miho prohibicion. E sindicato di trein FNV Spoor ta bisa cu mester un luga na unda e conductornan di trein, cu ta huma, por haci esaki.
Segun Telegraaf, Ministerio di Transporte y Salud, y e grupo di lobby di usuarionan di trein Rover tambe ta respalda un prohibicion completo. E corant a bisa humamento lo ta algo di pasado den 400 stacion di trein, den e proximo dos aña.
