Prohibicion riba suicidio asisti no ta contra Convencon Europeo riba Derechonan Humano segun corte Hulandes

(NLTimes) – Cooperatsie Laatste Wil (CLW) no a logra nada den su caso cu nan a entrega den contra di acto criminal pa cu e prohibicion riba suicidio asisti. Corte na Den Haag a declara cu e estado no “a actua, ta actuando ni lo actua fuera di ley cu CLW y su sostenedornan pa medio di completamente implementa e prohibicion riba suicidio asisiti.”

CLW a argumenta cu e prohibicion no ta den linea cu European Convention on Human Rights. E ta declara cu entre otro, “tur persona tin e derecho di ricibi respet pa cu nan bida priva” y cu “no lo permiti interferencia di ningun autoridad publico den e derecho aki, al menos cu esaki bini cu ley y si esaki bira necesario den un sociedad democratico.”

Den corte, CLW a argumenta cu hende en general por husga e significado y calidad di nan bida y nan mester por tuma e decision consciente y boluntario di caba cu nan bida. Awo nan ta depende riba decision di dokter y e ley di euthanasia, unda cu tin un “grupo cu merece consideracion” cu tin e deseo di tuma e decision aki pa nan mes, y “esaki no por ser ignora.”

E estado no ta de acuerdo cu esaki. Nan a referi na un estudio unda cu a mustra cu solamente 0.18 porciento di e personanan cu mas di 55 aña di edad kier caba cu nan bida, y e motibonan ta realmente “compleho y no facil pa cambia.” Personanan tambe mester ser protegi di nan mes, segun loke e estado a argumenta.”

Na Hulanda, suicidio asisti t castigabel pa ley. Solamente un dokter por provee esaki na un persona cu ta sufriendo y no tin speransa pa causa di motibonan medico. Provee un suicidio na un persona cu ta considera nan bida “completo” no ta permiti.

Segun Corte Europeo di Derechonan Humano, e derecho di determinacion propio no ta bay asina leu pa duna derecho na un suicidio asisti, corte a splica. Ni tampoco tin e obligacion di haci un “suicidio digno” posibel. Interferencia di gobierno ta permiti, si corte bisa, cu e ta sirbi un proposito legitimo y necesario den un sociedad democratico.

Ademas, segun corte, estadonan tin un “margen amplio di aprecio, ciertamente pa cu topiconan sensitivo manera esaki, den cual no tin un acuerdo internacional.” E estado mester proteha e derecho di biba. “Esaki ta nifica cu e estado mester preveni cu personanan vulnerabel lo caba cu nan bida,” corte a splica.