Gobierno Ruso a prohibi vuelo directo entre Rusia y Georgia. Esaki ta afectando miles di persona cu ta biaha y deal cu e industria turistico di Georgia.
E prohibicion tin impacto riba miles di vuelo cu ta operando pa 6 aerolinea Ruso y un aerolinea di Georgia. E ultimo vuelo directo despues di e prohibicion pa ambos pais a baha na Moscu riba diadomingo anochi. Persona a bordo lo mester stop den otro aeropuerto den otro pais.
Lo tarda un ora y mey pa nan yega nan destinacion tanten cu e prohibicion keda. Presidente Ruso, Vladimir Putin a introduci e prohibicion luna pasa, despues cu protesta na e capital di Georgia, Tbilisi a tuma luga.
Georgia ta un pais den sur cu luganan turistico, costa den lama y cultura di biña reconoci, unda ta atrae mas di un miyon di turista Ruso pa aña. Oksana Litvyak, kende ta biba den ciudad Ruso di Tosno, pafo di St. Petersburg a lanta na Georgia, su mayornan y ruman ainda ta biba den e pais.
Litvyak ta bisa cu a cumpra ticket di avion pa bay Tbilisi na augustus, e dia prome cu protesta den parlamento di Georgia. “Mi a cuminsa yora di rabia, pero despues mi a cuminsa busca ticket nobo. E prohibicion a duna un golpi na hende comun, pa motibo cu Rusia y Georgia ta uni pa siglonan di storia.”
El a logra obtene un ticket nobo y a haya mas barata pa aerolinea di Rusia cu lo por para na Minsk. Turista di Rusia cu tabata den capital di Georgia a bisa dialuna cu nan lo bolbe pa disfruta di sero, costa y cuminda.
“Mi no ta kere cu prohibicion di vuelo lo impedi pa turista bin bishita Georgia. Tur esunnan cu a yega di bin, sigur ta bolbe bek”, Marina Bondareva a bisa, kende ta di Moscu.
