(AP) – Montana a duna aprobacion final na e proposicion cu ta prohibi e red social di opera den e estado, cual ta un movida cu seguramente lo enfrenta desafionan legal pero tambe ta un base di test pa e Merca liber di TikTok cu varios autoridadnan nacional kier crea pa causa di e potencial di spionahe Chino.
E cas a vota 54-43 a fabor di e medida, cual ta haci Montana e prome estado cu un prohibicion total riba e aplicacion. Esaki ta bay mas leu cu e prohibicionnan ya caba implementa pa casi mita di e estadonan, incluyendo Montana, y Merca su gobierno federal cu ta prohibi TikTok riba dispositivonan di gobierno.
E medida aki awo ta bay na e Gobernador Republicano Greg Gianforte ken a negna di comenta si e lo firma pa esaki bira un ley. Un declaracion cu e vocero a provee ta cu e Gobernador lo “considera cautelosamente” tur e proposicionnan manda na su oficina.
Gianforte a prohibi TikTok riba dispositivonan di e gobierno bisando cu na e momento nan aki e aplicacion ta posee un “riesgo significante” pa data sensitivo.
TikTok su vocero Brooke Oberwetter a priminti desafio legal tocante e medida su constitucionalidad, bisando cu e sostenedornan di e proposicion a “admiti cu nan no tin un plan” pa “aplica e intento di censura bosnan Mericano.”
