NEW ZEALAND – Diahuebs, gobierno di New Zealand a anuncia cu a prohibi tur arma estilo militar, arma semi automatico y cu capacidad. Un siman despues cu e arma a ser uza na dos atake na moskee na e ciudad di Christchurch, cu a caba cu bida di 50 persona.
Un prohibicion inmediato den e benta di arma a trece efecto di prevencion, y ley nobo lo ser pura pa parlamento, cu lo impone un completo prohibicion di arma, prome minister Jacinda Ardern a bisa. “Tur arma semi-automatico lo ser prohibi.”
E no ta conta pa arma cu ta ser uza comunmente pa cazador y agricultor. E partido di prome minister Ardern ta controla e mayoria den parlamento, un paso pa legislacion ta ser spera. New Zealand no tin un derecho constitucional pa posesion di arma.
Cu anuncio aki, a trece comparacion inmediato cu Merca. Unda cu tin debate continuo tocante control di arma y matamento constante. Polly Collins di Christchurch a bisa cu e ta emociona pa tende prome minister su anuncio.
“E prome minister ta impresionante, e no ta manera Merca, unda cu nan tin tur e sucesonan aki y nan no ta haci nada pa cambia e ley di arma”, sra. Collins a bisa. Algun otro compania di bendemento a bisa cu no lo tin mas den stock di e arma cu ta bay ser prohibi y tampoco lo bende online, mirando locual a pasa. Hende ta bisa cu locual prome minister a haci ta un paso balente.
Actualmente tin 250mil licencia di persona cu tin un arma di candela na e pais, unda cu ta conta cu un populacion di 5 miyon. Autoridad ta pensa cu tin un 1.5 miyon di arma den henter e pais.
