(AP) – Despues di varios siman sin un anfitrion oficial riba di e programa “Jeopardy!” cual a inclui presentacion di diferente celebridad di television, deporte y reportahe, e show famoso aki diario a scoge su productor ehecutivo Mike Richards como e siguiente anfitrion despues di e anfitrion stima Alex Trebek.
Pero despues di e critica y mal reaccion di e publico na un proceso cu recientemente a bira menos bunita, productor Sony a parti e posicion di anfitrion entre Mike Richards y un di e celebridadnan cu a haci un aparicion, nombrando e actor Mayim Bialik como MC pa “Jeopardy!” den ‘prime-time’ y cualkier otro miniserienan traha den su nomber, incluyendo un campeonato nobo di scolnan.
Den tributo na fanaticonan dedica na “Jeopardy!”, e campeon cu e cantidad di victorianan mas continuo tras di otro Ken Jennings lo bolbe como un productor pa consulta.
Richards lo mantene su posicion y responsabilidadnan como productor ehecutivo pa “Jeopardy!” y pa “Wheel of Fortune”, Sony Pictures Television a bisa den un declaracion riba diaranson. Aparentemente e studio a rechasa e idea cu e tabata bahando cabes pa e disgusto cu varios fan a expresa ora cu informacion a cuminsa plama siman pasando revelando cu Richards lo ta e anfitrion nobo di e programa.
“Nos tabata sa di comienso cu nos tabata kier dividi e responsabilidad y trabao di anfitrion entre dos persona, y e tabata hopi cla cu Mike y Mayim tabata sin duda algun e miho opcionnan. Nan dos tabata e miho resultado den nos investigacion y analisis,” segun Ravi Ahuja, cabesante di Global Television Studios pa Sony Pictures. “Nos a tuma e decision aki sumamente na serio.”
Como un anfitrion di bishita, Ahuja a bisa cu Richards tabata “hopi comfortabel tras di e podium, y a comproba di ta un gran opcion ambos como productor y como anfitrion. Mayim tabatin un energia espectacular, y un bon entendimento di e wega, pero tambe un curiosidad autentico cu ta loke ta representa “Jeopardy!” su marca den un manera natural.”
Richard tabata e di dos cu a yena e posicion di anfitrion temporal, pa por yena e posicion cu Alex Trebek su morto a laga atrsa, cu campeonnan di “Jeopardy!” manera Jennings y Buzzy Cohen, actornan Bialik y LeVar Burton, hungado di NFL Aaron Rodgers y reporteronan di television entre e otro personana cu tambe a yena e posicion aki temporalmente.
E studio no a sali for di e tradicion di ‘game-show’ ora di scoge Richards. Hende hombernan di color Blanco, semper tabata e opcion pa cual nan ta opta, cu algun hende muhe, entre otro Meredith Vieira, Jane Lynch, Leslie jones y un cantidad aumentando di hende homber color scur manera Wayne Brady, Steve Harvey y Anthony Anderson ganando popularidad den e añanan reciente den e categoria di programanan aki.
Mientras cu Richards a comproba di ta un anfitrion excelente, un “oportunidad fantastico pa cambio radical a ser perdi” Deepak Sarma a expresa, un profesor di Case Western Reserve University y consehero cultural di Netflix. Pa e grupo di personanan menos representa, Sony su decision ta comproba cu e “penetracion di cierto mundonan privilegia ta impsibel,” Sarma a declara.
Richards tin un portfolio extenso cu hopi diferente programa nan nomina y ganado di premionan Emmy. E tabata e productor ehecutivo di “The Price is Right” y “Let’s Make a Deal” pa mas di un decada, y a produci e version nobo di aña 2020 di e gran programa “Who Wants to Be a Millionaire.” Su experiencia dilanti camara ta inclui su presentacion como anfitrion di “The Pyramid” y “Beauty and the Geek” cual tabata un programa di television.
El a drenta e ekipo di “Jeopardy!” como reemplaso di e productor ehecutivo cu a retira Harry Friedman na comienso di e temporada 2020/2021, y tabata den e trabao pa algun luna ora cu Trebek, di 80 aña a fayece november di aña pasa pa motibo di cancer den pancreas. Trebek tabata e anfitrion pa 37 temporada.
“Sin importa ken nan scoge pa bira e siguiente anfitrion di e programa, e fanaticonan nunca lo a ta satisfecho, pa motibo cu niun hende por haci e trabao manera Alex Trebek tabata haci esaki,” consehero di medionan Bill Carroll a expresa.
