(AP) – Si bo a mira e serie di documental di Lifetime tocante Wendy Williams cu a lansa durante fin di siman y a sinti inconfortabel, bo no ta bo so.
“Where is Wendy Williams?” a lansa durante fin di siman y a inclui varios escena di e ex anfitrion di programa di television instabil, confundi y te hasta bebi. Su manager tabata regularmente haya boternan di likeur scondi den su apartamento, comportamente cu e productornan a bisa tabata traha riba nan nervio durante grabacion. Sinembargo nan ta bisa cu nan no tabata altanto durante e tempo aki cu Williams tin demencia, cual publico a haya sa siman pasa.
“Nos tur a bira hopi preocupa pa su siguridad. En realidad, mi tabata hopi preocupa cu e lo cay for di trapi pa varios diferente motibo,” Erica Hanson, productor ehecutivo di e documental a expresa. Hanson a bisa cu pronto despues cu su persona y e ekipo di grabacion a ser bisa pa su yiu homber cu e tin demencia, nan a paga e camaranan. “Nos a tuma e decision di stop e grabacion como un ekipo. Nos tabata spera cu e lo bira miho pero a keda cla pa nos cu e no lo bira miho y cu e tabatin mester di ayudo urgentemente,” Hanson a bisa.
“Where is Wendy Williams?” a debuta diasabra, dos dia despues cu su ekipo a publica un declaracion bisando cu el a ser diagnostica cu aphasia progresivo y demencia frontotemporal, e mesun condicon cu Bruce Willis tin. Su dos episodionan a keda publica despues cu abogadonan di Lifetime exitosamente a gana un esfeurso di Williams su guardian pa stop e lansamento.
Den un evaluacion, Variety a yama e serie un “ilustracion explotativo di su deterioro cognitivo y bienestar emocinal.” Danie Buchanan, un DJ di radio na Atlanta a publica un video riba instagram bisando cu e “no por a caba di wak e. E tabata dificil pa mir’e den e condicionnan ey,” el a comenta.
