(AP) – Actualmente ta trahando un pelicula di biografia di Micheal Jackson. E productor tras di esaki ta e famoso productor ganador di Oscar pa Bohemian Rhapsody, Graham King hunto cu guionista di Gladiator, John Logan. Lionsgate ta encarga di e distribucion mundial di e pelicula, segun Joe Drake, presidente di e estudio.
Segun e profesionalnan, e pelicula lo brinda un relato profundo di e homber complica cu a bira e rey di pop na mundo. E productornan lo traha y lo haci lo mas posibel pa duna bida na tur e scenarionan di e personahe stima na mundo e rey di pop. Tambe lo produci John Branca y John McClain, kendenan ta co- ehecutor di e patrimonio di Micheal Jackson.
E negoshi di Jackson tabata un poco atrasa door di musical di Broadway ‘MJ The Musical’, cu tabata un serie cu a bira victorioso door di e partinan hudicial y a pone riba escenario casonan grave hudicial, loke a haci e serie mas atractivo.
E documentario di HBO na 2019 ‘Leaving Neverland’ a bolbe cuminsa bin cu speculacionnan di acusacionnan di abuso di menornan, siendo cu ya caba e demandanan aki a keda trata y cu no ta relevante mas. Den e documentario tur e partinan aki ta keda presenta riba demandanan cu a keda presenta y na unda cu a pidi un suma di 700 miyon di dollar, cu a tarda varios aña pa por a keda realisa. Y debi na cambionan di ley y un fayo di fiscal, e suma a reduci drasticamente.
E dos homber cu ta aparece den e documentario ta apelando riba e caso. HBO a defende e produccion di ‘Leaving Neverland’ manera un punto valido y esencial periodistico documental.
E victoria otorga den su patrimonio den e caso fiscal ta debi cu e hues tabata kere cu e balor di e imagen y e balor di Jackson a keda mira, y cu e acusacionnan a baha debi cu Jackson a fayece, a pesar di su caso di abuso na aña 2005.
Poco mas e situacionnan aki a keda revela y no a anuncia ningun Director of elenco, pero e nombernan tras di e proyecto tin wowo riba nan pa nan por gana premio. Logan y Graham a colabora antes riba ‘The Aviator’ cu a pone tur dos cu a keda nomina Pa premionan Oscar. Nan tabatin e honor di a conoce e famia di Jackson pa prome biaha na 1981. Ambos ta sinti nan honra di hiba strea riba pantayanan grandi. King nunca no a imagina cu despues di 38 aña e lo tin e privilegio di por forma parti di e pelicula di Micheal Jackson.
Mama di Jackson , Katherine Jackson tambe a duna di conoce cu desde su yiu Micheal tempo cu e tabata chikito como miembro di Jackson 5 tabata gusta e magia di cine. Como famia nan ta sinti cu nan ta honra cu e historia di nan bida ta bira un realidad bibo riba e pantayanan grandi rond mundo.
