Den un conferencia di Departamento di Integracion, Maneho y Admision di Stranhero (DIMAS) a trece dilanti cu e proceso pa loke ta trata visa pa personanan cu nacionalidad Venezolano ta bayendo bon, aunke tin algun condicion.

Asina a duna di conoce Marilyn Wout cu ta PR di e departamento aki y a señala cu e proceso pa cu esaki “ta bayendo bon” y cu na momentonan aki e visanan solamente ta wordo duna pa un grupo chikito cu tin cierto motibonan di biahe.

Lo cual ta un motibo di biahe cu ta biniendo hopi segun loke Wout a sigura ta cu pa e tempo aki pa via di pandemia di Covid-19 loke ta trata biahenan familiar of turistico no ta posibel.

Den conexion cu Covid-19, Ministerio di Asuntonan di stranheria tin su servicionan limita pa procesamento y solicitudnan di visa pa paisnan den Caribe Hulandes. Nan ta atende casonan cu por wordo considera como vital y esencial:

  • Personanan cu tin un VTA (admision temporal pa Aruba)
  • Biaheronan M.I.C.E. pa motibonan di meeting, incentivo, conferencia o exposicion.
  • Biahe di negoshi, interes, cu vinculo comercial of como parti de un mision economico.
  • Doñonan di algun residencia, condominio of time share.

Si un persona cu nacionalidad Venezolano tin interes di biaha pa algun pais di Caribe Hulandes como Aruba, Corsou, Sint Marteen, Boneiro, Sint Estuatius of Saba mester busca informacion den e website www.nederlandwereldwijd.nl