Proceso di formacion gobierno nobo Corsou a tranca

E proceso di formacion pa un gobierno nobo na Corsou a tranca. E 4 partido envolvi no a haya nan otro riba e particion di carteranan di minister.

Bou guia di Kenneth Gijsbertha di partido MAN, apunta como e ‘formateur’ e partidonan MAN, PAR, PNP y PS ta negocia e formacion di gobierno. Pero e ta bay asina dificil cu awor sr. Gijsbertha a sali for di negociacionnan. El a bisa cu e ta duna e partidonan te dialuna pa asina yega na otro. Problema mas grandi ta cu e partido PS ta exigi cu nan lo haya 2 cartera di minister. E otro partidonan no ta di acuerdo y awor ta considerando pa nan 3 lo sigui e negociacionnan, aunke cu 3 partido lo no yega na un mayoria den parlamento.