(NLTimes) – E problemanan na Schiphol a costa KLM 175 miyon euro. E subsidiario Transavia a perde 44 miyon euro. Mayoria di esaki tabata causa pa perdida den ganashi, sinembargo KLM tambe a perde placa den compensacion di vuelonan cancela.
KLM a perde 30 miyon euro den compensacion di pasaheronan. E otro 145 miyon euro ta consisti di ingreso perdi.
Pa causa di escasez di empleado na Schiphol, specialmente den siguridad, e aeropuerto a limita e cantidad di pasahero cu ta sali den desde juli. Esaki ta nifica cu aerolineanan mester a cancela varios vuelo y move vuelonan na otro aeropuerto manera Rotterdam Den Haag. KLM tambe a bende menos pasashi na pasaheronan cu ta saliendo for di Hulanda. Te ainda tin restriccionnan implementa na Schiphol pa e temporada di winter.
Actualmente e aerolineanan ta den palabracion cu Schiphol Airport tocante compensacion pa e problemanan. Organisacion BARIN, cual ta representa e aerolineanan ta pensa cu e dialogonan aki lo dura algun siman mas.
Air France-KLM su avionnan tabata casi mesun yen den e di tres kwartal cu e periodo den aña 2019, prome cu e pandemia di coronavirus. E combinacion Hulandes Frances hasta a gana mas den benta di ticket y transport via barco. Esaki ta mas tanto pa causa di e aumento den ticketnan su prijs causa pa e compania su capacidad, parcialmente, danki na e restriccionnan di Schiphol.
Demanda pa vuelonan tabata fuerte atrobe den mayoria region, sinembargo tabatin menos vuelo, parcialmente pa causa di problemanan di empleado. Esaki ta nifica cu tin mas demanda pa pasashi compara cu e suministro di asientonan disponibel, pa motibo aki Air France-KLM por a bende nan ticket na prijsnan mas halto. Tambe tabatin mas demanda di pasaheronan pa pasashinan mas caro manera First Class y Business Class.
E grupo di aerolinea a publica un ganashi di 8.1 biyon euro den e tercer kwartal. KLM y Transavia tabatin 3.2 biyon di esaki. Ambos Air France y KLM a logra un ganashi averahe di 570 miyon euro pa Air France y 443 miyon euro pa KLM. KLM a ser afecta mas pa e problemanan na Schiphol.
Air Franec-KLM a reporta un ganashi di 460 miyon euro. E grupo ta premira cu aumento lo sigui den e kwartal actual y cu su inversionnan lo ta mas abao e aña aki compara cu loke a indica anteriormente. Esaki tambe ta duna e compania mas espacio pa compensacionnan adicional. Air France lo bolbe paga 1 biyon euro di un total di 3.5 biyon euro cu a presta di gobierno Frances.
