Un problema cu ta wordo presenta constantemente y cu ta representa un peliger pa salud publico. Esaki tin di haber cu hendenan cu ta probecha mas tanto den oranan di anochi pa cuminsa chica nan pos y basha e awa sushi y stinki aki riba caya of den area publico sin midi e consecuencia pa salud di hende.
Hefe di Higiena di Departamento di Salud Publico, Yvette Geerman a declara cu esaki ta un fenomeno cu ta sosodiendo hopi te hasta den añanan atras caba. Como departamento di Salud nan tin algun puntonan cu nan no por actua, ya cu esaki ta den man di polis. Unabes cu awa ta bay riba espacio publico ta polis cu ta e autoridad concerni cu lo por actua, nan ta bisa.
Sinembargo sra. Geerman a laga sa cu esaki no ta descarta cu como departamento di Salud Publico nan no tin e atencion. Nan ta bay traha mas estrecho riba e tereno aki pa mira con nan lo por soluciona e tipo di problema aki cu ta un causa di infeccion y malesa.
E funcionario aki ta haya cu pa nan por yega na un solucion duradero di manera cu esunnan cu tambe tin molester cu e problema di bashamento di awa di pos riba tereno publico sa e caminda corectamente unda nan mester cana.
