Pa varios siman caba tin basta problema cu e suministro di coriente caminda awo coriente ta bay den diferente bario pa basta ora sin aviso. Den bario di St. Cruz por ehempel coriente a bay diabierna 12or di marduga te cu 5or di mainta.
”Mahuma ta sin coriente y mi baby ta drumi den calor.”Dieptriest, Aruba ta birando derde wereldland”. Esaki tabata diferente comentarionan cu a surgi riba rednan social di pueblo cu ta kehando cu e problema di suministracion di coriente actualmente. Den e ultimo siman tabata tin interupcion di coriente na diferente parti di e isla entre otro Mahuma, St. Cruz, Macuarima, Papillon y varios otro bario tabata den scur pa basta ora. Riba rednan social a cuminsa surgi diferente tipo di comentario cu awor Aruba a cuminsa bira mescos cu paisnan manera Republica Dominicana caminda coriente ta bay ki ora cu ta sin aviso. Segun vocero di WEB, Sra. Asja Dongen, tur cos ta bon na WEB anto a referi Bon Dia na ELMAR. ”E storing no ta causa di WEB, cerca nos tur cos ta OK”. Sra. Dongen ta bisa. Segun Elmar, nan tin problema cu kabelstoring y esaki a causa cu coriente a bay diabierna mardruga.
