Gobierno di Curaçao, a traves di ministro di Desaroyo Economico Steven Martina a anuncia diasabra pasa cu a yega na un fin no exitoso di e negociacionnan cu e grupo Suizo Klesch Group. Cu esaki ta yega un posible fin definitivo di e refineria Isla, inaugura mas di 100 aña pasa.
E refineria lo tabatin na ultimo alrededor di 900 persona riba payroll, mientras cu lo perde tambe varios mil cupo di trabao na empresanan cu tabata suministra servicio na e refineria. E refineria mes ta fuera di operacion pa mas di aña y mey, entre otro pa e relacion problematico cu Venezuela, tanto pa e problemanan politico entre gobierno di Maduro y lider di oposicion Juan Guaido, reconoci como presidente interino, loke a dificulta yegada di crudo for di Venezuela. Ademas pa basta tempo caba Venezuela no ta produci bastante crudo pa por a abastece e refineria na Curaçao.
Anteriormente tabatin 3 partido mayor interesa, entre cual e compania Chines Quandon Zhenrong, e compania Americano-Saudi Motiva y e compania di Rotterdam Count.
