Prizoneronan den prizonnan Hulandes ta uza cannabis sintetico frecuentemente

(NLTimes)—Prizoneronan frecuentemente sa uza cannabinoidenan sintetico (SCRA) den prizonnan na Hulanda, segun e Instituto Trimbos a reporta di un investigacion en colaboracion cu C-EHRN.

Segun Trimbos, ta trafica SCRA den prizon via post. E droga sintetico ta garna riba papel. Den e forma aki, SCRA no tin holo y ta hopi dificil pa detecta esaki. Tambe e droga no ta aparece riba testnan di orina convencional.

E efectonan di SCRA ta similar cu efectonan di THC, cual ta haci cu e usuario ta sinti relaha y intoxica,” Trimbos a bisa. “Pero e efectonan por varia den forsa y duracion y por causa otro efectonan cu por ta mortal den casonan extremo.”

E instituto a investiga e uzo di droga na e Instituto Penitenciario (IP) na Ter Apel pa via di investigacion internacional cu ta mustra cu hende den detencion ta uza droga mas frecuente y tin mas probabilidad di ta haci esaki regularmente. Nan a descubri cu cannabis, alcohol y SRA ta uza hopi na Ter Apel. E uzo inadecua di medicacion pa dolor, drumimento y sedativo tambe ta popular.

“Aunke e uzo den e IP na Ter Apel no ta mustra cu esaki ta causa incidentenan grave den seguridad y salud, ta probabel cu prizoneronan no ta depende riba servicio medico pa problemanan di salud relata na droga pa medio di sancion of stigmatisacion,” segun e investigadonan. Nan a yama e uzo di droga den prizon algo pa preocupa, y tin espacio pa mehoracion pa loke ta trata informacion y cuido.

E investigadonan ta recomenda estudionan stranhero den e uzo di droga den prizonnan na Hulanda y pa cambia e enfoke for di para traficacion di droga den prizon pa asina provee informacion y cuido pa prizoneronan y empleadonan.

“E resultadonan di investigacion a haci cu nos a realisa cu nos tin demasiado tempo ta mira e topico di droga solamente for di un perspectiva di seguridad. Nos ta haci nos best pa preveni traficacion di droga den un manera of otro. Tambe ta importante pa mira e topico di droga for di un perspectiva di salud, cuido y e profesionalisacion di nos empleadonan, segun Laurens Huizenga di IP na Ter Apel.