Autoridad di Brasil ta busca 52 prizonero cu a huy for di un centro di detencion di regimen semi habri na estado di Sao Paulo, despues cu nan a cende candela den un cuartel di prizon di e luga ey, Secretaria di Administracion Penitenciaria (SAP ) di estado di Brasil, a informa.
E situacion a sucede diamars na momento cu un polis di centro di progresion penitenciaria di Bauru, ubica na 330 kilometer di Sao Paulo, a retene un telefon di un prizonero durante un listramento di rutina.
Prizonero a cuminsa cu protesta y algun di nan a tuma e oportunidad pa huy for di centro ey, cu ta protegi pa un senciyo sistema di siguridad cu waya, pasobra tur prizoneronan ta dentra y sali cu permiso cu nan por haya pa bay traha of studia, fuente a informa.
Secretaria de Administracion Penitenciaria a sigura den un comunicado cu diaranson banda di atardi, polis militar a logra captura di 100 prizonero cu a huy di centro aki. Na momento cu situacion a sucede mas di 150 prizonero a huy den momento di confusion, asina tambe a informa cu prizon ta bay bira un prizon cu regimen cera.
Segun cifra di Secretaria de Administracion Penitenciaria e centro aki tin cerca di 1430 prizonero, y tin un capacidad pa 1124 prizonero so.
