(Nu.nl) – Prinses Amalia tin su prome tarea oficial individual den su agenda. Dia 22 di februari, e heredero di e trono lo batisa un barco di marina nobo na Vlissingen, yama Den Helder. E anuncio aki a bin for di Rijksvoorlichtingsdienst ariba diahuebs.
Te awor, Amalia di 21 aña no a haci bishita di trabou su so. Antes, e tabata bay hunto cu su mayornan, rey Willem-Alexander y reina Maxima. Asina, siman pasa e tabata na e conmemoracion di Auschwitz y anteriormente a biaha tambe pa e islanan di Caribe. Berano pasa, e la bay na e weganan Olimpico na Paris riba su mes.
Amalia ta sigui e pasonan di su ruman chikito, Alexia. Alexia a tene su prome bishita di trabou individual na september 2023, y tambe a batisa un barco, pero na Rotterdam.
Den Helder lo bira e barco nobo di suministro di e Marina Real Hulandes. E barco lo surti otro barconan di marina na lama cu combustibel, municion, awa, cuminda y pida di repuesto. Despues di e bautismo, prinses Amalia lo ser guia dor di e barco y lo papia cu e tripulacion y e trahadornan di astiyero.