(NLTimes) – Prinses Amalia a bisa cu e no ta bay acepta e salario y alocacion di 1.6 miyon euro na cual e tin derecho unabes cu e cumpli 18 aña di edad na december. Esaki ta e prome biaha den historia cu un miembro di famia real Hulandes ta rechasa nan beneficio.
Amalia a descubri cu el a slaag su examen di scol secundario y a completa su estudionan na e Christelijk Gymnasium Sorghvliet cu un distincion cum laude. E tin plan pa tuma un aña liber prome cu continua cu su meta di educacion avansa, segun el a declara den un carta skirbi na man dirigi na prome minister Mark Rutte.
E no ta bay acepta e beneficio financiero sino te despues cu e termina e estudionan en cuestion, y por haci un contribucion como un figura publico. “Mi ta haya esey incomodo tanten cu mi por ofrece tiki a cambio y otro studiantenan tine hopi mas dificil, specialmente den e temponan incierto aki di coronavirus”, el a skirbi.
Alrededor di 296mil euro di e beneficio ta conta como entrada, y e 1.3 miyon restante tin intencion di ta pa gasto di personal y material. Amalia a anuncia cu e no ta bay acepta e porcion di entrada, y a bisa cu tambe e lo paga back e placa pa gasto di material ‘tanten cu mi no ta bay genera gasto den mi rol como Prinses di Oranje’.
Rutte a elogia su decision, bisando cu e no a ricibi presion politico. “Cantidad di studiante berdaderamente ta pasando den dificultad, pues ta bon pa no un solo persona consumi varios miyon euro”, segun Lyle Muns, presidente di sindicato di studiante LSVb, a bisa den un declaracion na AD.
