Diasabra 14 di januari, Aruba a conoce su Prins y Pancho pa Carnaval 63. E tiki awacero cu a basha no a stop e tremendo show cu e hobennan aki a duna.
A tene eleccion di Prins cu Pancho den categoria infantil, hubenil y grandi.
Esaki tabata un anochi bon anima na unda tur e hobennan a demostra nan talentonan. Aunke cu segun SMAC, nan lo a desea di a mira mas participante e aña aki. E organisacion ta sumamente contento y agradecido na gruponan di Carnaval cu a respalda e teamnan. Un pabien grandi na tur participantenan y danki na e publico cu a bin pa apoya nan. Na final di anochi a eligi Prins y Pancho. E resultadonan ta lo siguiente:
Categoria Infantil:
“Prins Por”, Li-Angelo Quandt y “Pancho Mas”, Shaiyron Alexander representando Champagne Carnival Group
Categoria Hubenil:
“Prins Bo Tin”, Giomir Leocadia y “Pancho Curashi”, Lixander Lambrinos, representando Dushi Carnival Group
Categoria Grandi:
“Prins Milk”, Randy Hernandis y “Pancho Shake”, Roberto Hernandis representando Champagne Carnival Group.
