(AP) – Prins Harry a bisa cu su accionnan contra e farandula Britanico a contribui na e separacion den e famia Real, segun un documentario cu lo lansa diahuebs.
Den su comentarionan mas extenso desde cu el a gana un victoria grandi aña pasa, ora cu hues a declara cu hacking di celular ta “amplio y habitual” den Reino Uni su Mirror Group Newspapers, e Duke di Susex a conta e noticiero ITV cu e lo a gusta si su famia lo a uni na dje den su acusacion di invasion di privacidad.
Harry a bisa cu su bataya andando cu e farandula den publico, ta un “parti central” di e problemanan cu a surgi den e famia. “E mision ta sigui, pero si, el a causa manera boso ta bisa, un separacion,” Harry a bisa riba “Tabloids On Trial.”
Harry, ken actualmente tin 39 aña di edad y ta e yiu mas chikito di Rey charles III, a kibra e famia su actitud di ‘nunca keha, nunca duna splicacion’ pa medio di hiba prensa corte.
Su tata tabata opone e acusacion aki, Harry a bisa den su documentonan legal. Tambe el a revela cu su ruman homber William, Prins di Wales y heredero di e trono, a yega un acuerdo den keho contra Rupert Murdoch su News Group Newspaper pa “un suma grandi.”
E demandanan aki, sinembargo, no ta e unico fuente di e problemanan familiar.
Harry a distancia su mes literalmente for di su famia ora cu su casa, Megjan, a opta fuera di bida Real den aña 202020. El a cita intrusion y un actitud racista di media contra Meghan, ken ta biracial. E pareha despues a sugeri cu tin preferencia a base di rasa dentro di e famia Real, un acusacion cu a causa cu Harry a separa aun mas.
E duke a bisa cu ta dificil contesta preguntanan tocante su relacion familiar “paso cualkier cos cu mi bisa tocante mi famia ta resulta den un cantidad di abuso for di prensa.”
